पुढील 3 दिवस मुसळधार पावसाची शक्यता :- शेतकरी मित्रांनो, आकाशात काळे ढग जमायला लागले आहेत. वारा अधिक वेगाने वाहू लागला आहे आणि हवामान खात्याने तुमच्या जिल्ह्यांसाठी महत्त्वाचा इशारा दिला आहे. येत्या तीन दिवसांत जोरदार पाऊस होण्याची शक्यता असून काही भागांमध्ये वादळी वारे, विजांचा कडकडाट देखील होऊ शकतो. या काळात योग्य खबरदारी घेणे फार गरजेचे आहे, नाहीतर तुमच्या मेहनतीच्या पिकांना मोठा धोका संभवतो.
कोणत्या जिल्ह्यांना किती धोका?
यलो अलर्ट (सावधगिरी बाळगा):
मुंबई, ठाणे, रायगड, रत्नागिरी, पालघर, नाशिक, जळगाव, धुळे, नंदुरबार, नागपूर, भंडारा, गोंदिया, चंद्रपूर, वर्धा, यवतमाळ, वाशिम, अकोला, अमरावती, बुलढाणा, गडचिरोली येथे मुसळधार पावसासाठी सावधगिरीची गरज आहे.
ऑरेंज अलर्ट (अतिशय सतर्क राहा):
पुणे, सातारा, कोल्हापूर, सांगली, सोलापूर, लातूर, धाराशिव, सिंधुदुर्ग या जिल्ह्यांमध्ये वादळी वारे, विजांचा कडकडाट, आणि जोरदार पावसाचा धोका अधिक आहे. या भागातील शेतकरी खास खबरदारी घ्या.
हवामानाचा अंदाज: तापमान आणि पावसाचा तडका
मुंबई: 26°C ते 32°C, जोरदार पाऊस
पुणे: 22°C ते 31°C, वादळी वारे आणि मुसळधार पाऊस
नागपूर: 28°C ते 42°C, विजांचा कडकडाट आणि जोरदार वारे
पुढील 3 दिवस मुसळधार पावसाची शक्यता असल्यामुळे शेतकऱ्यांसाठी खास खबरदारी
पिकांचे संरक्षण करा:
पिकं भिजून सडू शकतात, त्यामुळे शक्य असल्यास झाकण्या करा. उघड्यावर असलेली पिकं टार्पोलिन किंवा प्लास्टिकने झाका.
खत आणि बियाणे सुरक्षित ठेवा: पाण्यापासून खत, बियाणे आणि शेतीसंबंधित साहित्य वाचवा. शक्यतो कोरड्या जागी ठेवावे.
शेतीची यंत्रणा थोड्यावेळासाठी थांबवा: मुसळधार पावसात आणि वादळात ट्रॅक्टर, पंप चालवणे टाळा. दुर्घटनेचा धोका जास्त आहे.
आरोग्याची काळजी घ्या: थंडी, सर्दी, खोकला यापासून बचाव करा. लहान मुलं, वृद्ध आणि आजारी लोकांनी विशेष खबरदारी घ्यावी.
प्रशासनही सज्ज, नदीकाठच्या भागांना विशेष सूचना
हवामान खात्याने २० मे नंतर हवामान अतिशय बदलू शकतो, असा इशारा दिला आहे. त्यामुळे जिल्हा प्रशासनाने सज्ज होण्याचे काम सुरू केले आहे. नदीकाठच्या गावांमध्ये रहिवाशांनी विशेष सतर्क राहावे.
शेतकरी बंधूंनो, ही वेळ आहे तयारीची!
पुढील 3 दिवस मुसळधार पावसाची शक्यता असल्यामुळे तुमच्या शेतासाठी आणि दैनंदिन जीवनासाठी आव्हानात्मक ठरू शकतो. त्यामुळे आता त्वरित खबरदारी घ्या. पिकांचे नुकसान टाळा, साठवलेली वस्तू सुरक्षित ठेवा, आणि आपल्या आरोग्याची खबरदारी घ्या.
या इशाऱ्याची माहिती तुमच्या गावातील सर्व शेतकऱ्यांपर्यंत पोहोचवा. तुमचे मित्र-शेजारी, कुटुंबीय यांना देखील सांगा. सोशल मीडियावर शेअर करा, जेणेकरून प्रत्येकजण सज्ज राहील.
पाऊस येतोय – सज्ज व्हा, सुरक्षित रहा!
महत्वाची बातमी:- विजांच्या कडकडाटासह अवकाळी पाऊस
